Kachin Today Group (U.S.A)

About Kachin Today Group

Kachin Today Group(USA), was organized by the Kachins in the United States on July 16, 1999. The term Kachin Today was selected with hope and realization that the Kachins living today are to take part individually in the development of the Kachin people politically, economically, and socially. Therefore, all the Kachins living today are regarded as members of the Kachin Today(USA).

Kachin Today(USA) will strive for the freedom and development of the God-given Kachin homeland and the God-endowed rights of the Kachin people by means of non-violence in cooperation with the Kachin organizations and international communities yet without being under any political parties or religious groups.

Aims

• to enable the dispersed Kachins all over the world to keep in touch with each other and exchange news so that their political, economic, social, and religious situations of the Kachins may be developed by correcting the weaknesses and shortcomings in those aspects without any restrictions.

• in order that the fully democratic and just Union of Burma with peace and prosperity may be realized

• in order that the Kachins understand the democracy and federalism among themselves, and obtain their human rights to the full extent

• in order that the Kachin History, culture, and literature may be preserved and promoted

Activities

Since 2003, Kachin Today(USA) has been conducting the Kachin Revolutionary Anniversary every year in San Francisco, CA, USA and representing Kachin people in the activities of the Burma Democracy organizations in San Francisco, USA. Kachin Today(USA) is also striving to get involved more extensively in the democratic moments in the future.

Wunpawng Daini Internet Radio broadcast has been launching Kachin language broadcast once a week since 2003, focussing mainly on the truthfully communicating the political, economic, and social issues of the Kachin homeland to all the Kachins living in different parts of the world. Moreover, Kachin Today(USA) is broadcasting the suggestions on political, economic, social, and religious issues which the Kachins communities ought to know. Kachin Today(USA) broadcast is being received by an average of over 400 Kachin listeners living in Thailand, Japan, China, India, UK, Denmark, Malaysia, Singapore, America, and Burma on a weekly basis.

Kachin Today Scholarship Fund was established with US$ 4,500 in 2004 and began to provide the finacial support to the poor but bright and outstanding Kachin students in Burma. This foundation fund was initiated by the donation of an anonymous Kachin young man who donated the money he saved for his wedding instead of spending it on the wedding. Since 2004, an amount of US$ 300 has been granted to each of the selected candidate, and a total number of 24 Kachin students have received scholarship fund from KTG(USA) so far. KTG(USA) is continuing its finacial support to the educational development of the Kachin brethren all over the world.

Publishing Kachin Today Book Series

Kachin Today Group(USA) will publish Book series and distribute them to the Kachins in the Kachin homeland free of charge. In 2004, the first booklet on HIV/AIDS written by Prof. Kathy Lone was published. KTG(USA) will continue to publish Book 2, 3, 4, etc. and educational articles for the Kachin communities.

Request

Your active participation,prayer support, words of encouragement, advice, constructive comments, and finacial support are coveted and earnestly requested by KTG(USA) in order to advance this noble cause.
 

Anhte A Lam.
Wunpawng Daini Hpung (USA) hpe July,16 ya 1999 ning hta American mungdan kaw du nga ai myitrum Wunpawng amyu sha ni hte hpaw ninghtan dat ai re. Wunpawng Daini ngu ai shingteng amying hpe gaw, daini na aten hta, anhte Wunpawng amyu sha ni a man ang nga ai mung masa, sut masa hte nga pra kum la masa ni rawt jat kalu kaba wa na gaw, daini nga pra nga ai nang, ngai ,daini na Wunpawng amyu sha hkum dek
kaw lit nga nga ai ngu ai hpe labau jaw lit madung langai hku hkam la let amyu sha lam yan hta anhte hku n-na dangdi dangdep ai daram njut shara myi kaw n-na sha pyi gaw shanglawm gunhpai na matu myit yaw shada let Wunpawng Daini ngu ai shingteng amying hpe shamying masat la ai hku re. Dai majaw, daini nga pra nga ai myithkrum mangrum ai Wunpawng amyu sha ni yawng gaw Wunpawng Daini Hpung (USA) a malawm ni re , ngu n-na masat hkam la da nga ga ai re.

Anhte gaw gara mungmasa hpung, makam masham hpung a n-pu kaw mung n-re ai sha amyu shalawt, mung sharawt ai magam hta si mani ai masa ( Non-Voilance) hpe lang let Karai Kasang anhte Wunpawng amyu sha ni hpe jaw da ai Wunpawng Mungdan hte amyu sha ahkaw ahkang ni hpe lu la hkra shakut shaja ai lam hta myithkrum, masa rum ai Wunpawng wuhpung wuhpawng ni hte Maigan wuhpung wuhpawng ni hte rau lata hkindun let shakut shaja sa wa na ga ai. Anhte gaw gara maigan wuhpung wuhpawng de mung ja gumhpraw garum hpyi shawn ai lam n-nga ai sha, myitrum manaw manang ni madi shadaw ai alu ni hte sha shamu shamawt nga ga ai re..

Yaw Shada Ai Lam
-Mungkan shara shagu de chyambra nga ai Wunpawng amyu sha ni shada da matut mahkai, shiga shana hkat lu hkra hte Wunpawng sha ni a daini na sut masa, mung masa nga pra kumla masa hte makam masham lam ni zinlum rawt jat kalu kaba sa wa na lam hta, ra kadawn ai lam, shut shai nga ai lam, shading sharai ra ai lam ni hpe shada da n-dut n-dang lu madi madun hpaji jaw hkat lu hkra.
- Democracy ahkaw hkang hte hpring tsup ai ngwi pyaw simsa rap ra ai Munghpawng Myen mungdan byin tai wa hkra.
- Wunpawng amyu sha ni a lapran hta, shinggyim masha ahkaw ahkang, Democracy hte Federalism masa ni hpe grau n-na chye chyang wa ai hte , tinang a, lu ging lu ang ai ahkaw ahkang ni yawng hpe hpring tup jum tek lu hkra.
- Wunpawng amyu sha ni a labau, htunghking, laili laika ni rawt jat kalu kaba lam hpe jut langai myi hku n-na madi shadaw lu hkra.

Shamu Shamawt Ai Lam
Wunpawng Daini Hpung (USA) kaw na lit la let 2003 ning kaw n-na Wunpawng amyu sha rawt malan nhtoi hpe America mungdan, California mungdaw, SanFrancisco mare kaba hta shaning shagu galaw sa wa nga ga ai rai n-na, Sanfrancisco kaw nga ai Myen democracy wuhpung wuhpawng ni hte matut mahkai let, mung masa shamu shamawt ai lam ni hta Wunpawng amyu ni a gawng malai tai let shanglawm nga ai hku re. Matut n-na mung anhte dangdi dangdep ai made amyu sha mung masa lam yan hta grau dam lada ai hku shamu shamawt shanglawm lu hkra shakut shaja nga ga ai . Wunpawng Daini Internet Radio nsen shapoi ai lam hpe jinghpaw ga hku 2003 ning kaw n-na bat mi hta kalang shapoi nga ga ai rai n-na, maigan mungdan jut shara shagu de chyam bra nga ai Wunpawng amyu sha ni hpe tinang a buga na mung masa, sut masa, nga pra kum la masa ni hte seng ai shiga ni hpe teng man ai hku chye lu na matu madung dat yaw shada let shapoi nga ga ai hku re. Dai sha n-ga, Wunpawng amyu sha ni chye ging, chye ang ai mung masa, sut masa, makam masham masa, nga pra kum la masa ni hte seng ai hpaji jaw laika ni hpe mung lajang sha poi nga ga ai hku re. Wunpawng Daini Radio hpe Thailand, Japan, Miwa, India, U.K, Denmark, Malaysia, Singapore, America hte Myen mungdan hta shanu nga ai Wunpawng amyu sha ni la madat n-gun jaw nga ai rai n-na, bat mi hta marai 400 jan daram hpaw madat n-gun jaw nga ai hku re. 2005 ning kaw n-na gaw, nsen hte sha n-rai, laika hkum hku n-na mung lu hti hkra anhte a websites hpe lajang da saga ai rai n-na , 2006 ning kaw n-na Thai mungdan, Chiang Mai mare kaw mung shiga lithkam marai langai hpe masat da lu sai hku re. Anhte a nsen shapoi ai lam hpe grau n-na dam lada ai hku ladat shapraw let, Myen mungdan kaw shanu nga ai Wunpawng amyu sha ni yawng lu madat hkra Short Wave hku lu shapoi na matu seng ang ai mungdan atsuya / wuhpung wuhpawng ni hpang de laika shawn garum hpyi lajin sa wa na hku re.

Wunpawng Daini Scholarship Fun hpe mung 2004 ning kaw n-na US$ 4500 hte arang shatai let Myen mungdan kaw nga ai hpaji ningtawn n-na jawng jarit yak hkak nga ai Wunpawng amyu sha jawngma ni hpe garum shingtau hpang wa sai hku re. Ndai hpaji shakat fun hpe mying n-kam shadawng ai myitrum manaw manang langai mi hku nna, shi a hkungran poi hta jai lang shama kau ang na ja gumhpraw hpe hkungran poi hta n-shama jai lang kau ai sha, hpaji shakat alu hku n-na anhte Wunpawng Daini Hpung (USA) de jaw bang ai hte hpaw hpang wa ai fun rai nga ai. Shaning shagu lata hkrum ai jawngma ni hpe marai langai laning mi a matu US$ 300 madi shadaw garum shingtau nga ai rai nna, 2004 kaw n-na daini na aten du hkra jawngma marai 23 hpe garum shingtau lu nga sai hku re. Matut n-na mung maigan shara shagu kaw na myitrum manaw manang ni jaw bang ya ai alu hte amyu sha sai daw, sai chyen ni a hpaji rawt jat lam hpe garum shing tau nga ding yang rai nga ga ai.

Wunpawng Daini Laika buk dip shapraw ai masing kaw nna Book Series hku masat let, buga kaw nga ai mung shawa ni hpang de laika buk ni hpe manu jahpu n-la ai sha majoi garan ai hku ( free Issue ) dip shapraw garan gachyan ya na hku re. 2004 hta HIV-AIDS Hte Seng Ai Ga San Ga Htai Ni ( Professor Kathy Lone) ngu ai laika buk hpe No.1 hku n-na dip shapraw lai wa sai rai n-na, matut n-na book series No.2,3,4…ni hpe dip shapraw wa na masing ni hpe jahkrat da let Wunpawng amyu shani a matu akyu pru ai hpaji jaw laika buk ni hpe matut shapraw sa wa na lam hte anhte WPD(USA) kaw n-na lata la hkrum ai laika ngau ni hpe mung laika buk pru wa hkra lit la dip shapraw ya na hku yaw shada nga ga ai.

Garum Hpyi Lajin Mayu Ai Lam
Anhte a shamu shamawt sa wa ai lam hta ta tut shanglawm ai hku, akyu hpyi myitdum ai hku, n-gup aga hte n-gun jaw madi shadaw la ai hku ,hte ja gumhpraw alu bang garum shingtau la ai masa lam ni hte rau, anhte a ra kadawn shut shai nga ai lam ni hpe tsawra myit hte madi madun hpaji jaw karum shingtau pawnba la na hpe akroi anoi ra sharawng let hpyi lajin dat ga ai law.